About: Fariz Khalilli
- Veb sayt
- https://farizkhalilli.wordpress.com
- Detallar
- Tarix üzrə fəlsəfə doktoru, MİRAS Mədəni İrsin Öyrənilməsinə Kömək İctimai Birliyi İdarə Heyətinin sədri, AMEA Arxeologiya və Etnoqrafiya İnstitutunun elmi işçisi, İCOM Azerbaijan İdarə Heyətinin üzvü... Fariz Sabir oğlu Xəlilli 1980-ci il avqust ayının 1-də Ağsu rayonunun Gəgəli kəndində anadan olub. 1986-cı ildə Gəgəli kənd orta məktəbində ilk təhsilinə başlayıb. 1997-ci ildə Bakı şəhəri Sabunçu rayonu I Zabrat qəsəbəsindəki 192 saylı orta məktəbi bitirib. Fariz Xəlilli 1997-ci ildə Nəsrəddin Tusi adına Azərbaycan Dövlət Pedaqoji Universitetinin Tarix fakultəsinə qəbul olub və 2001-ci ildə fərqlənmə diplomu ilə bitirib. Həmin il Azərbaycan Dövlət Pedaqoji Universitetinin magistraturasına Qədim dünya tarixi ixtisası üzrə qəbul olub və 2003-cü ildə fərqlənmə diplomu ilə bitirib. Tarix elmləri namizədi Fazil Osmanovun rəhbərliyi ilə “Qafqaz Albaniyası antik və ilk orta əsrlərdə (Nərgizava və Mollaisaqlı abidələri əsasında)” magistr dissertasiyasını müdafiə edib. Magistr dissertasiyasının əsas hissələri “Qədim Nərgizava və Gəgəli” kitabçasında (2003-cü il) nəşr olunub. 2002-ci il yanvar ayının 1-də Azərbaycan Tarixi Muzeyi Azərbaycanın qədim və orta əsrlər dövrü tarixinin ekspozisiyası və fondu şöbəsində laborant kimi fəaliyyətə başlayıb. 2003-cü il dekabr ayının 25-də Azərbaycan Tarixi Muzeyinin aspiranturasına qəbul olub və 2006-cı ildə bitirib. 2007-ci il noyabrın 28-də akademik Nailə xanım Vəlixanlının rəhbərliyi ilə “Azərbaycan Tarixi Muzeyinin arxeoloji materialları Azərbaycan tarixinin öyrənilməsində mənbə kimi (ən qədim dövrdən e.ə. IV əsrə qədər)” namizədlik dissertasiyasını müdafiə edib və tarix elmləri namizədi adını alıb. Muzey ekspozisiyalarının elmi və bədii tərtibatına yaxından bələd olan Fariz Xəlilli Milli Azərbaycan Tarixi Muzeyinin 2004 və 2008-ci illər, Şamaxı Tarix Diyarşünaslıq Muzeyinin 2009-cu il elmi ekspozisiyalarının hazırlanmasında yaxından iştirak edib. O, 2006-cı ilin iyun ayında Norveç krallığının Stavanger və Oslo şəhərlərində muzey təcrübəsi keçib. Fariz Xəlilli Şamaxı Tarix Diyarşünaslıq Muzeyinin kataloqunu iki dildə (azərbaycan və ingilis dillərində) hazırlayıb, 2009-cu ildə nəşr etdirib. Fariz Xəlillinin azərbaycan, türk, ingilis, rus, norveç dillərində 50-dan çox elmi məqalə və tezisləri nəşr olunub. Həmmüəllif olaraq Azərbaycan MEA-nın müxbir üzvü Vəli Əliyev ilə “Ağsunun tarixi səhifələri”(2001-ci il) və Qafqaz Universitetinin müəllimi Mehmet Rıhtım ilə “Mövlanə İsmayıl Siracəddin Şirvani” (2003-cü il) kitabları vardır. Beynəlxalq tədbirlərdə yaxından iştirk edən Fariz Xəlilli Aşqabad (Türkmənistan), Ankara, İstanbul, Bursa (Türkiyə), Roma, Vatikan (İtaliya), Poznan (Polşa), Tokio (Yaponiya) şəhərlərində keçirilən konfranslarda Azərbaycanı təmsil edib. Fazil Osmanovun Ağsu rayonu ərazisində apardığı arxeoloji tədqiqat işlərini uğurla davam etdirən Fariz Xəlilli Gəgəli kəndi ərazisindəki Nərgizava abidəsini öyrənir. Buradan aşkar etdiyi saxsı, tunc, dəmir, qızıl, daş əşyaları Milli Azərbaycan Tarixi Muzeyinə və Ağsu rayonu Tarix Diyarşünaslıq Muzeyinə təhvil verən Fariz Xəlilli onlardan 3 ədəd bədii tunc məmulatın Avropa kataloqlarına düşməsinə nail olub. Fariz Xəlillinin iştirakı ilə 2008-2009-cu illərdə Nərgizavada arxeoloji kəşfiyyat qazıntılarının aparılması bu abidədə gələcək tədqiqatlara zəmin yaradıb. Fariz Xəlilli hal-hazırda Milli Azərbaycan Tarixi Muzeyi Arxeologiya elmi-fond şöbəsinin müdiri, MİRAS Mədəni İrsin Öyrənilməsinə Kömək İctimai Birliyin sədridir. Evlidir. Bir qızı və bir oğlu var. Hal-hazırda Ağsu arxeoloji ekspedisiyasının rəis müavinidir.
Posts by Fariz Khalilli:
-
Oktyabr 13, 2012 “Çalışırıq “islam arxeologiyası” anlayışını populyarlaşdıraq”
-
Oktyabr 13, 2012 İslam arxeologiyası – tədqiqatçının dedikləri
-
Avqust 24, 2012 “Adı siyahıda olub, özü olmayan o qədər abidələrimiz var”
-
Avqust 18, 2012 MİRAS Mədəni İrsin Öyrənilməsinə Kömək İctimai Birliyi professor Qafar Cəbiyevi Azərbaycanda mədəni irsin öyrənilməsi, mühafizəsi və təbliği istiqamətində gördüyü işlərə görə diplomla təltif edib.
-
Avqust 17, 2012 Miras Mədəni İrs düşərgələrinə başlayır
-
İyun 28, 2012 Speech of chairman of MIRAS Social Organization, Dr. Fariz Khalilli at international round table of YOCOCU 2012, Antwerpen
-
İyun 28, 2012 MİRAS İctimai Birliyinin sədri, tarix üzrə fəlsəfə doktoru Fariz Xəlillinin YOCOCU 2012 Antverpendə beynəlxalq dəyirmi masada çıxışı
-
İyun 25, 2012 Mədəni İrsin Konservasiyasında Gənclər – YOCOCU konfransı 2014-cü ildə Bakıda keçirilə bilər.
-
İyun 25, 2012 Mədəni irsin konservasiyası ilə məşğul olan gənclər Belçikada toplaşır/Youth Involved in Conservation of Cultural Heritage Gather in Belgium
-
Aprel 19, 2012 Gürcüstanda “MİRAS İctimai Birliyinin Təqdimatı və nəşrləri” adlı sərgi və tanıtım seminarı
Kateqoriyalar
“MIRAS” Social Organization
Agsu Expedition
Qanlı Yaddaşımız
Join me facebook
-
Son Yazılar
- “Çalışırıq “islam arxeologiyası” anlayışını populyarlaşdıraq”
- İslam arxeologiyası – tədqiqatçının dedikləri
- “Adı siyahıda olub, özü olmayan o qədər abidələrimiz var”
- MİRAS Mədəni İrsin Öyrənilməsinə Kömək İctimai Birliyi professor Qafar Cəbiyevi Azərbaycanda mədəni irsin öyrənilməsi, mühafizəsi və təbliği istiqamətində gördüyü işlərə görə diplomla təltif edib.
- Miras Mədəni İrs düşərgələrinə başlayır
- Speech of chairman of MIRAS Social Organization, Dr. Fariz Khalilli at international round table of YOCOCU 2012, Antwerpen
- MİRAS İctimai Birliyinin sədri, tarix üzrə fəlsəfə doktoru Fariz Xəlillinin YOCOCU 2012 Antverpendə beynəlxalq dəyirmi masada çıxışı
Fariz Khalilli
Blog Stats
- 26. 309 hits